58X遇上的變態佬…
《可按圖放大》今天乘58X巴士上班時，遇上了一名極度無恥的變態佬！
我在長沙灣上車後不久，這名男子在荔枝角站隨後上車。
我坐在巴士下層最後的位置，當這名男子上車時，我發現他已目不轉睛的盯著我。
原本他是坐在前排的座位上，視線是跟我一樣地望著前面的景物(順車)。
但到了美孚站後，這名變態男子竟然刻意地轉到對面的座位(倒車)。
這時侯，他的視線正好是直接地望向我，還不時露出淫賤猥瑣的笑容！
就這樣，嘔心的「四目交投」持續了整個車程，歷時約30分鐘左右。
好不容易到了屯門市廣場，正當我準備下車之際，
他竟然轉身坐回原來的座位，裝作一副若無其事的樣子，然後再度淫笑！
活了這麼多年，從沒有見過像他一樣厚顏無恥的人！
臨走前，我用手機把他的賤樣狠狠拍下，就當是給他「回敬」吧！
變態佬先生，別讓我明天再見到你！
倘若你再不斷對著我淫笑的話，我發誓一定不會給你好過！
標籤： 寫我心情
由 馬．李心心 發佈 | 上午12:51
8 則留言:
嚇死我！以為佢搞你添！
聽日再見到佢，你坐第度啦！
我好鍾意你舊石頭呀！可唔可以email俾我？email去我yahoo個account丫！唔該！
咁得人驚o既.....個男人可能唔單止變態,心理簡單有問題tim啦~
我都遇過類似事件,不過就唔係巴士上,而係從屋企出門等電梯時,常撞見住同一層的阿伯,佢每次都會用d好猥瑣o既眼神望人(只限女性),由頭望到腳,仲要係好明目張膽咁望。(我都想知佢想望乜)
我會即刻用我凌厲o既眼神"掘"返佢..可能佢feel到將會受到威脅,所以唔敢再望。哈哈~
現正呼籲各位，若果"你"萬一再遇到lee位變態阿叔或遇上同類事件發生的話,請即向車長求助.....熱線電話係 2xxx xxxx。 多謝合作!
比我就同佢鬥望, 佢咁做d咩野我就即刻大叫, d衰人見到你愈驚佢就愈得呈.
patom
我都試過,我會望住佢之後打俾朋友一邊啤佢一邊同個fd大聲講出有個賤男人既存在!!!~
不過尼個世界真係好多變態男人!!!~小心小心呀baby~~!!!
好在無對你毛手毛腳, 下次再見到佢,同佢講,你係差人叔叔太太, 你個死佬係咪想死 !!吼 !!!
好辛苦先搵番我呢篇舊網誌，又是遇上惡男人：
http://yipcarmen.blogspot.com/2008/04/blog-post_2294.html
另一篇搵唔到喇！話說我有一朝推bb車帶哥哥搭地鐵返學，你都知繁忙時間地鐵好多人啦！我由美孚上車，已經多人到推住bb車企喺門口。到荔枝角站時，門一開，月台啲人已經上唔到車。有個男人鬧我：「最x衰架bb車，阻x住晒！」然後想行去另一個門上車，我火到黎，立即破口大罵：「乜x嘢叫最x衰架bb車呀？你無老母生架？你唔x識死去另一度門上車架？」
之後全車鴉雀無聲…
人善人欺，我唔會被人蝦到我架！我同佢死過呀！
忍到30分鐘，果然有耐性！下次(咁唔好彩就)︰
1.黑面問佢一句「望夠未呀？」
2.啤實佢！加多句「啤咩呀啤！」
3.同佢面對面坐，笑住問「咁樣夠唔夠近？」
4.用相機/電話對住佢，叫佢「smile！嚟多張！笑得自然啲！...」
5.用關心語氣問佢「先生，你對眼無事丫嘛？裝咗雷達呀？」
6......
7...
.
.
.
其實覺得呢啲人幾可憐嘅Sherry
卡文媽咪,
佢隻手無搞我，不過對眼搞我囉…
我總覺得媽媽是很厲害的，如果有人傷害自已的小朋友，就算再軟弱溫婉的女人，也會變得勇敢強悍起來…
好勁啊！為你這個偉大的媽媽大力鼓掌…
cherry,
唉…我中心不少阿伯也很猥瑣的…
雖然明白他有需要，但過份的也絕對要嚴懲，決不能縱容啊！
至於那些鹹濕的中年男子，的確無所不在。特別是地鐵，真是超級無恥及過份…
patom,
我已經用左30 mins跟他互相對望，最衰就是齋望無行動，否則一定死梗…
momo,
你這個經驗豐富的常客，當然最明白我吧！
我會盡量小心架啦！
yumi,
哈哈哈哈哈…差人叔叔太太？？
我估…應該作用不大架…
sherry,
我最喜歡呢句，下次再遇到佢，必用！！
3.同佢面對面坐，笑住問「咁樣夠唔夠近？」
4.用相機/電話對住佢，叫佢「smile！嚟多張！笑得自然啲！...」
發佈留言
訂閱 發佈留言 [Atom]
<< 首頁