6 weeks -11 weeks 懷孕回顧
現在等媽咪仔回顧一下 6 weeks 至 11 weeks 的懷孕生活先！
身體變化：
胸部持續脹痛，有時候碰到也感疼痛，腰骨硬，容易眼訓，疲累，但未有明顯的增磅。肚腩仔有少少漲大，飽飽面開始出現，皮膚正常…
胃口變化：
常常反胃，聞到油膩的氣味會作嘔，胃口差，平日喜歡吃的東西大多也吃不下…
飲食變化
這段時間，很嚴謹地遵守戒口的規條，所有寒涼生冷的食物一律嚴禁進食。現在每天也要喝牛奶、葉酸及鈣片、還有媽媽的愛心靚湯…同時，發現自已愛上吃燒味飯及麥當勞，竟然還會為了BB喝魚湯及吃蒸魚，變化很大…
心情變化：
繼續發揮大笑姑婆的性格，加上又有老公的愛護，當然開開心心每一天；不過有時候，也會擔心BB在肚裡面的情況，不知道BB是否依然存在…
生活變化：
因為常常覺得疲倦的緣故，所以不能太長時間外出。去街一定要得到老公批准或陪伴，其餘時間大多留在家中休息，所有手作生意一律被禁止，家頭細務全由老公負責。「我的低能大肚之道」，成為我們兩公婆的第一本育嬰書，哈哈！
工作變化：
以往主力是外展工作，但為了避免太粗勞和顧及BB的安全，現在減少了外出家訪，集中時間在小組工作及Office work上…
產檢安排：
早在確認懷孕後，已決定會在廣華醫院分娩(因為公務員有家屬分娩福利嘛！)，怎料預約第一次產檢，竟然被安排至9月15日，想不到孕婦多得如此的誇張…
至於私家的產檢，已在8 weeks時看了第一次，超聲波內的BB很健康正常，而且第一次聽見BB的心跳聲，竟然有點像青蛙叫般，脈搏快而頻密，真的很興奮、很感動呢… (可按圖放大)
而在下星期一，將會到沙田威爾斯醫院，進行「早孕期一站式唐氏綜合症」檢查(OSCAR)。屆時除了可以知道BB近來的成長情況外，又可以知道患有唐氏綜合症的風險，當然安心一點吧！
《媽咪仔報告完畢，待續…》
標籤： 媽咪仔懷孕日記
由 馬．李心心 發佈 | 下午1:10
10 則留言:
加油呀，準媽媽!
是的, 未感到胎動前, 成日都會懷疑自己係咪真係有咗, hahahaha~ 有時又會驚bb有無事...懷孕的心情真係好複雜的 ^^
真係好羨慕馬生會睇嗰本書, 如果我老公睇, 我會覺得佢唔係我老公, hahahahaha~
估唔到馬仔都會睇我的低能大肚之道..好好呀!!
初時懷孕O既變化已經咁大架喇......做大肚婆真的不容易
做媽媽真偉大喔~!!連你平日最怕既魚你都照食~!!實在太感動呀!!準媽媽你要加油呀~!!BB一定錫曬你呢~^^
P.S.感覺上,是BB妹多D~^^
呢個大project，做一世都做唔完，不過我知你一定會做得好開心！
Sherry
CACA,
看著BB一天一天的成長，我一定會努力架！
明珠,
未覆診之前，的確有點擔憂，因為不知道BB在肚裡是怎樣呢？哈哈哈哈…孕婦的心情，的確是很難為形容的…
我也想不到他會拿來看呢！仲看得不知幾開心啊！係咪好攪野呢？
CHERRY,
我也想不到他如此有心機地看，真係估佢唔到！
第時你大肚之時，就會明白母愛的偉大！
小毛契娘,
對啊…媽媽真偉大呢…我也是迫著自已吃魚魚啦…不過還可以啦…
你的眼光很好，醫生說初步看來是BB女呢！不過未能完全肯定，我已經開心到飛起啦…
SHERRY,
呢個真是一生一世的大project…
不過竟然開始了，也就要拚盡全力去做，我一定會努力啊…YEAH~
食多d菜心,係最好,深色既菜係好既, 淺色既就係涼, 即係生菜白菜吾好食.^^
yumi
噢﹖醫生檢查說生女孩就可以做很多東西給她~XDDDD 順便說我看你第一張照片感覺你好漂亮啊~~相信你的以後bb一定很美麗~~~^u^/
yumi,
我發現自已現在不愛吃菜呢…所以便便很辛苦呢，陰功！
sandwich,
哈哈哈哈…我也希望是女呢，可以扮靚靚嘛…
哈哈哈哈…幸好懷孕時還沒有走樣，希望遲點也繼續保持…
至於bb美麗與否，不是最重要！最緊要還是希望她能夠健健康康呢…
為左bb,一定要食呀, 菜心最多葉酸,對bb最好,不過你都可以食鈣片,惠氏出ca,果時我睇私家醫生提議,不過又係會大便小左.所以要食番多d菜,bb吸你好多鈣,所以你便便小左係正常, 仲有,吾好飲大肚婆奶粉, 肥你吾肥b ca. hehe,
yumi
發佈留言
訂閱 發佈留言 [Atom]
<< 首頁