大阪紅葉之旅 Day 4-part two

04.12.2008 (Thu)

環球影城 Universal Studio Japan

(遺忘太耐，竟然忽然記得寫埋個遊記，哈哈哈哈…)

其實玩完好幾個3D同4D遊戲之後，我們也沒有停下來休息，

因為實在太多野等住我地玩啦，師奶仔，當然唔想執輸嘛…

於是挑戰我的畏高尺度，勇闖有10多層高的濕身飛船…

我地事前有備而戰，預早買定便利雨衣，避過all wet的一劫！

但由10多層樓高衝下來的一刻，我覺得自已整個人幾乎垂直咁…

嚇到我不斷高聲呼叫，我呢個香港人，真係超級失禮啊！

玩完之後，就係我地去玩大白鯊遊戲之前，

遇上了一個很超級可愛同勁有型的日本BB，潮到暈啊…

同BB玩左一陣，又飛奔去玩坐船仔的大白鯊之旅！

老實說，整個旅程不是非常驚險，但卻非常日本人的投入，

很感謝全船人給老公一齊說的一聲日文版HAPPY BIRTHDAY！

真的是其中一個很有趣而窩心的回憶，thanks！

跟住我去snoopy餐廳吃了一個快餐醫肚，

老公就堅持要去買火雞脾，於是我一個人在餐廳不斷影相！

如果snoopy迷來到這裡的話，一定開心死啦！

我們還到了snoopy樂園裡面玩小型過山車，

原來都可以好高、好快、好刺激架，勁啊…

時間過得好快，轉眼又已經入夜了！

由於我唔敢挑戰全園最勁的音樂過山車，於是放低老公自已玩，

一個人四周影靚相，同埋不斷去shop買手信啊！仲開心啦！

之後匯合玩到high左既老公，再最後重玩左幾次蜘蛛俠，

最後看埋聖誕大型匯演，影埋變色聖誕樹，我地就乖乖離場了…

離場後，我地又繼續在場外影下相、買下野，扭下蛋…

之後就乘搭印有芝麻街公仔的列車，滿足地返回梅田站啦！

去到車站，我聞到香噴噴的waffle，當然要買來大吃一番吧！

可能太餓的緣故，我覺得真係超級好味，真想再來一個啊！

由於時間尚早，我當然把握時間到附近的hep five繼續血拚，

臨走前最後一戰，當然又忍唔住買左好多、好多、好多…

到了晚上九時多，我終於累得頂唔住要投降了！

於是就在站裡的地下街，吃拉麵當晚餐便算了。

想不到這家拉麵店原來這樣出名，而且還非常好味！

我們也忍不住點了拉麵同叉燒飯，真的非常滿足啊！

回到酒店後，我當然忙於執拾行李及點算戰利品！

雖然邊看邊開心，但很快便發現原來行李箱可能載不下！

於是整晚就是不斷的「左放放、右塞塞」，忙了一整晚。

明天便是在osaka的最後一天，要繼續衝刺啊~

Day 4 - part two 完，待續…