早一點的快樂！
小休了一段時間，又係時候重新投入於結婚大計上。
有時候，馬仔可真的挺是有效率！無論是日間還是深夜，只要他認為有需要做好的話，他都會「的起心肝」認真去做！當然我所講的是他非常緊張的結婚大事啦！
在我們眾多的籌備項目中，他主要的工作是負責宿舍申請。經過他深夜時份落力的資料搜集及研究後，他再次於半夜時份告訴我一個重要消息：我們要提早註冊了~
由於要配合申請公務員宿舍的特定時段，最後我們還是要提早註冊來迎接新居的來臨！所以我們將會提前註冊，然後預留較充裕的時間籌備新居！新的註冊日期將會是29.09.2007 (sat)。希望週未的時間能讓更多朋友仔可以出席，共同分享我們的喜悅吧！
標籤： 結婚進行曲
由 馬．李心心 發佈 | 上午12:04
18 則留言:
心心,
妳和馬仔繼續為你倆的幸福以努力呀!我全力支持你o地!
另經我的精密計算，如無意外29.9.07我是短週，希望妳和馬仔會邀講我出席啦!我會做定新衫來觀禮!(因我16.9.07會做婚宴司儀，一定有新衫!=P)
好開心呀!!好替你們開心呀!
心心,
馬仔真係好"乖"呀...^^
祝申請到靚靚宿舍~...
聽聞好多人住油塘..不過我覺得近西貢果個宿舍最靚呀...聽聞仲大D添~
屯門都唔錯,近妳返工嘛...我姐夫係屯門的宿舍座山面海,還真的很舒服呢~~
9月29號雖然係週末,不過呢邊要就番10.1長假期~~~~
我會係"遙遠"的地方祝福你地架... :p
恭喜! 恭喜!
呵呵..你請我既話, 我一定到!! ^^v
心心.. 上次d相可以send 返俾我ma? o..你幾時會有時間, 可以幫我簽名呢? 果晚趕住做節, 一買完就走tim..
dear sam sam,
今次馬仔真係抵讚啊!!!叻叻呀!!!
我果年都係好似結婚前半年左右先至計劃提早註冊. 不過唔係就宿舍, 而係就出門時間. 提早有提早既好. 咁你就會有足夠既精神&時間去分別好好咁安排你既註冊&擺酒大日子, 都唔錯架.
係呀! 申請宿舍有機會就申請間大D既, 咁第時有小朋友都唔怕迫嘛!!! 順利宿舍更係好啦. 有自己clubhouse, 確係唔錯架...
心心,
馬仔咁叻叻,抵你錫佢多些既！
snoopy,
其實本來我打算選星期日，方便所有親朋蜜友出席架！但奈何九月尾及十月初的星期日都是不宜結婚的！因此最終決定929吧！
哈哈！先多謝你賞面出席我們的婚禮！希望到時一齊影多點靚相啦！
bottle,
佢認為有需要的東西咪會"乖”啦...哈哈！
有關宿舍，其實我首選係德福、次選為油塘！西貢同油塘固然靚，但唔夠分數嘛！我一定唔會交選屯門，因為我唔想落街買?的時候，俾我的client見到我，哈哈！我估你姐夫應該係住美樂，對嘛？
929那天你唔得閒，真可惜啊！我還想邀請你和eric一同出席啊！.....或者你可能放到假呢.....(@.@妄想中)
anyway，待完成後再同你一起分享當日的喜悅啦！ok?
Cuteypinga,
哈哈，我打算請你，同埋一班蛋糕朋友仔架！因為大家都好錫我、好關心我！所以咁重要的日子，好希望可以同大家一齊分享！
上次的照片我稍後補回給你啊！其實我都好想跟你們見見面，因為要多謝你們上次來捧場嘛！不如新年後，來個下午茶小聚，好嗎？ 至於簽名呢....雖然有點難為情...但你叫到一定會簽架！多謝你對作者的一份尊重！感激感激！保持聯絡！
gloria,
都是這一句，他認為值得緊張的東西，一定會好緊張！佢今次總算做了件好事啦！
travelcake,
就是因為不想註冊、預備新屋及擺酒的日子撞在一起,所以要分開約半年的時間慢慢處理
！這麼多大事接連發生，想起來都覺得緊張..
申請宿舍方面，我都希望可以申請間大D既！
其實順利宿舍真的很好，又大又靚，空氣又好！但可惜以佢現在的年資，還未夠分數選這兒啊！所以還是選德福或油塘了！
Eva，
佢係呢方面都幾叻,不過就不足以錫佢多d啦？免得佢驕傲啦！
samsam,
Wow great news~ wish u two a happy wedding! :)
哇, 好開心呀,可以提早註冊榮升做馬仔老婆, 好sweet sweet呢.
我d時間仲充裕呀...舊年註冊,出年先擺酒...激死, 呢個真係大計呀~~!
心心,
油塘都OK啦,到時候我來香港約妳比較方便嘛..哈哈哈,唔使入到馬鞍山~..我住將軍澳咋~
上星期ERIC有個同事結婚,拒申請到西貢果度啦....
拒仲叫ERIC都快D結婚,申請拒對面,晚上可以望到對方食乜送窩...(發夢中... 一.一)
我姐夫果度我唔知道呀,祗知道係屯門(妳知我唔識路架啦)~同埋都幾大架有600幾呎~..可能拒年資長呱...不過拒係懲教的~
929我真係黎唔到呀,因為就10.1放7日假,之前一個星期要番足7日工...=.="
過後同我分享都一樣者.. :p --
仲好la.呢隻小馬仔咁好,你快d接佢番屋企呀 ^_^
恭喜你呀, 完全感覺到你那份喜悅呢, 衷心祝福你倆幸福美滿啊
休息過後，就要好好計劃囉！
馬仔哥真的很有效率喔！如果提前也好，讓你們有足夠時間準備新居及婚禮！
初次到訪，很喜歡你的recipe！
哈哈. 唔記得講, 你註用係929, 我註冊係919呀. keke... 不過已經係兩年前既事了:D
Yumi,
呢隻小馬仔有時都幾乖~不過應該係佢快d接我番屋企做女皇就真呀！哈哈！
泡泡茶,
多謝你啊~ 尤其是你給予我們的祝福，真的很開心啊！你也要幸福啊，知嗎？如果時間許可，邀請你一齊出席啊~
小妹,
對啊！很多東西好像很遙遠，但卻是近在眉睫，真的要一一計劃清楚！今天想了又想，我們可能有機會再提前多一點！真的教人很心煩啊！
Queen,
感覺上，我們也是很相似！都是被寵壞的雙子座女皇啊！我好像曾經到訪過你的blog，但收到你給我的留言卻倒是第一次！多謝你啊！希望我的recipe能夠幫到你啦！有空一齊交流交流啦！
hatty,
多謝你的祝福！929呢個日期....最好就是可以多些朋友一齊出席慶祝~
我真的不想弄得這樣辛苦....所以刻意把註冊、申請宿舍及擺酒等分開慢慢做，這樣會開心舒服一點點~
雞翼尖,
其實時間真的過得很快，轉眼間又要影婚紗相了，真的令人緊張吧！
每次收集你的留言，我都好開心和興奮！我知道你心地很善良，能夠認識你這個朋友，確實是我的福氣吧！所以無論如何，都要邀請你來觀禮，知嘛？
發佈留言
訂閱 發佈留言 [Atom]
<< 首頁