坐月子
自古以來,長輩常常千叮萬囑,坐月補身好重要!
因為坐月時保養不好的話,將來會很容易周身病痛;
相反坐月時保養得宜,身體和面色可以比「做女」時還好!
我沒有質疑長輩的說話,因此過去一個月也「盡量」遵照她們的指示。
包括要嚴厲地戒口、唔洗頭、唔吹風、唔出街、唔濕凍水等等…
當然還要不斷地進補,花膠、響螺、鮑魚、烏雞、藥材絕不可少。
別輕看這些看似簡單的規例,其實要徹底執行,根本無可能做到!
雖然要我每日重複地吃某些食物及補品,我還是可以支持下去;
但是要在如此潮濕的天氣下,一個月唔洗頭,對我來說簡直是折磨!
至於唔濕凍水、唔隨便蹲低、要常常坐下及臥床等,也是不太可能的;
因為照顧BB的時間日夜顛倒,加上我凡事也要親力親為的固執性格,
能夠要我完全安心地休息,把照顧的重任交給他人,真的做不到呢!
因此我除了戒口和進補之外,其餘的規例也只是盡量執行而已,
雖然期間也有為此而跟媽媽鬧意見,但如果因為強迫自已執行,
而讓產後的情緒更起伏、更大壓力的話,這樣豈不是更辛苦呢!
幸好產後的我精神還不錯,而且傷口復原的情況也很理想,
因此坐月完畢,我應該可以開始進行我的修身大計啦!
標籤: 媽咪仔懷孕日記
3 則留言:
哈!我都係,你叫我重複食果幾樣餸我OK,但叫我唔沖涼洗頭真係唔得,尤其我餵人奶,唔沖涼實在好似唔衞生。我果時係夏天,每2-3日洗一次頭都覺得好辛苦呀。其實每次洗完頭用薑水沖一沖個頭及立即吹乾個頭,其實都OK的。
你都唔肥....不用修身嘛!
我媽咪有時都會向阿爸呻,生我地之後坐月都無好好休息同調理身體,令到依家經常周身病痛,睇黎都有根據...keekee~
但我都難以想像一個月唔洗頭的話點算,會唔會有頭蝨架><
winnie,
係啊!唔清潔的確好唔衛生喎!個頭又熱又濕又多汗,所以我堅持左一、兩個星期就要洗啦!
至於涼就要日日沖,用薑水囉!所以都唔敢用梘液,沖下身就算啦!
cherry,
我肥左好多啊,仲要減10多磅呢…
一個月唔洗頭的話,太可怕了,我真係做唔到…
發佈留言
訂閱 發佈留言 [Atom]
<< 首頁