發爛渣的小鬼
昨晚,希妤大小姐晚上又扭計爆喊啦!
我、爸爸及媽媽三個大人,整晚也要輪流服侍這個小鬼,
但她依然周身郁,混身不舒服,最可怕的還是「哭聲震天」呢!
最近,發現她真的不同了,而且不再跟剛出生時容易「招呼」!
現在常常會睜大眼睛,望著遠方的東西,又或是專注的看著你,
睡眠時間縮短了,伴隨而來就是要人抱、要人跟她傾計及散步…
這個小鬼乖乖的時候,的確很可愛及討人喜歡的;
可是當她發爛渣的時候,也就往往令人手足無措!
我曾經被她的嚎哭聲弄得很煩躁、害怕、還忍不住哭了出來…
令我一度懷疑自已不幸地患上了「產後抑鬱」呢!
當媽媽真的一點也不簡單,要擔心的事情多得永遠也數不完,
因此生兒育女相對婚姻來說,那責任更加是「一生一世」!
從此以後,我和老公每天也要為這頑皮的小鬼加倍地奮鬥啊!
標籤: 小希妤成長印記
7 則留言:
心心, 我都好開心呀, 我的bb巳cfmed 4/09回家了, 我的心情真的很興奮 !!
想問你希妤那麼快用pillow? 我聽有關經驗人仕說bb 1歲前也不須用pillow的.
希望你不要介意我8掛, 我只是問問是否有不同人的看法 .... 因為我也在想是否須玥買 pillow ?
patom
patom,
恭喜你啊!真的替你感到高興!
你的bb現在幾大啊?同埋買晒野準備未啊?
其實希妤用的小枕頭,是隨床鋪套裝而包括在內的!小枕頭中間的位置是凹下去的,方便bb的頭仔固定位置,所以都ok架!
其實我都有聽人講bb 不用那樣快用枕頭,擔心會焗親!不過她現在還細,頭同頸不會常常轉動,所以應該安全的!但我都會常常留意下她的睡眠情況,這樣就最安心啦!
係呀!果時我生完Beku果一個月都比佢攪到頭暈。又係勁扭抱,一放底就喊,朋友話初生要安全感喎!唔係扭計,所以叫我地抱都無所謂,咁我地就照做,點知越抱越唔對路,攪到我有媽媽手添呀!
後來未足兩個月,我地決定由得佢喊(加上果時要準備返工,如果阿媽湊無理由要佢日抱夜抱,所以要進行特訓)真係有效,第一日勁喊之後開始慢慢越喊越短時間,唔會再扭抱。你不妨試下,不過... ... 真係要好忍得,唔好投降,如果唔係就無用了。你可以參考下「從零歲開始」黎本書,我果時都係跟佢做咋。
你好啊, winnievv, 我嗰陣都係睇《從零歲開始》架, 又係要好忍心由得佢喊, 可以喊2個鐘架,但之後阿b真係無咁扭抱, 媽咪舒服好多, 情緒亦會穩定好多~
心心, 我一直都無俾恩諾用pillow架, 一來有人同我講bb唔駛用pillow啦, 二來當佢大個啲o既時候, 基本上佢瞓到好似打風咁, 有pillow都等如無, hahaha~
心心, 你要繼續加油啊!!!
加油呀心心...新手媽媽的確不易做,BB太細未能開口表達自己,唯有扭計,哭。
可能希妤知道一喊就會有人抱抱,所以常扭計..忍手一下,看看會唔會好D
winnie,
我都同意要狠心一點,讓她慢慢調節及適應!其實她現在又不需要經常抱,只是有時發脾氣,喊得耐的話我地就會抱囉…
另外,等我都搵下「從零歲開始」呢本書鑽研下先,多謝你的推介!
明珠,
聽到你地咁講,真是要搵呢本書睇下,放心啦,我一定會努力架!
cherry,
就係因為佢細,有時佢喊的話,我會擔心佢到底係唔係唔舒服!不過我都會調節下,盡量令佢可以唔好咁扭計…
BB 巳經3個月啦, 是男孩子, 非常可愛乖巧
所有東西都準備好了!
他的衣服巳有3個大櫃桶那麼多 .... 但有一小部分巳不合穿了, 因為他現在巳穿著6-12月的衣服了, 有很多都太小不合身了!
這個 Easter holiday 我和老公都非常busy, busy for 清潔家居, 幫bb 選購日用品等等 .... 非常充實, 非常累, 但累得很開心 !!
還有2天, 希望一切都順利啦!!
PATOM
發佈留言
訂閱 發佈留言 [Atom]
<< 首頁