新春吃喝玩樂全攻略(Ⅱ)

2010年2月13日 (星期六)

真光小學同學重聚日…

下午跟幾位小學同學在圓方W hotel下午茶，真係好開心！

雖然大家多年沒有見面，但感覺依然非常溫暖和親近，

在座的差不多已全部結婚了，部份還有一至兩名兒子，

連大肚媽媽都有兩個，真係全程都不斷交流「湊仔經」！

感謝大家也很關心我呢個快要分娩的新手媽媽…

期待將來帶埋小虎妹同大家見面，到時一定好熱鬧呢！

另一方面，我的好姐妹兼契媽媽Nancy老遠從荷蘭回來過新年，

晚上就來到我家一齊打邊爐，好耐無試過可以咁開心啦！

老公見我地兩姐妹咁耐無見，好主動幫手準備食物及清潔，

還醒目地買定湯丸做飯後甜品，老公，真係好抵錫啊！

多謝契媽買給小虎妹的miffy外套同裙仔，可愛到暈啊…

希望下次契媽可以帶埋兩個契哥哥同小虎妹見面啦！


2010年2月15日 (星期一)

年初二，爸媽及阿妹一早來我家，護送我到婆婆家拜年。

今年的拜年活動好熱鬧，因為小虎妹另一個契媽jessica都有出席，

我地除了一齊打麻雀之外，晚飯後更一齊玩「大細」及「魚蝦蟹」，

仲玩埋「廿一點」及「三公」，我地真係超級「爛玩」啊！

哈哈哈哈…新年嘛…咪一齊玩下、應下節囉！

所謂小賭怡情，相信小虎妹一定會好體諒同明白架！


2010年2月16日 (星期二)

天氣極度寒冷，晚上只得7-8度，但大家真的太縱容及愛錫我啦…

為了達成我生BB前來一趟BBQ的心願，阿妹就幫我安排了今次的活動！

於是我們一家連埋小寶契媽及Bella姨姨，到了太子的警察遊樂會燒烤。

雖然是燒烤是自助形式，但第一次去的感覺都唔錯，下次可以再來…

見到大家穿著厚衫、戴著冷帽，就知道外面有多寒冷吧！

最開心的當然是我，因為我呢個大肚婆真係好貪玩呢…



此外最開心的，當然還有小虎妹啦…

因為一次過收到很多禮物，包括Bella姨姨親手逐格勾製的包被，

這張被由差不多100格細小的圖案拚合而成，真的很有心機啊！

另外，還有小寶契媽的「大利是」，真的不好意思收下呢…

總之大家也真的很疼錫我和小虎妹，實在無言感激啦！

新春吃喝玩樂全攻略(Ⅱ)完，待續…