「誰是成功？誰是失敗？」真相大公開

好啦、好啦！到了開估的時間......
早前，我在為食貓的討論區中，跟各位姊姊妹妹一齊分享這個競猜遊戲。
估唔到迴響這樣大，而大家亦果然冰雪聰明，廚藝與智慧並重，
有許多心水清的朋友都估中左！

其實成功的作品，只有第二個(葡撻)。
大家咪睇佢個面好似有點燒焦咁，其實味道都真是不錯！

至於第一及第三個，同樣是失敗之作！
這兩個同樣係芒果慕士蛋糕，只是用唔同的模，有唔同的做型！
很可惜！可能因天氣太凍，令魚膠溶液一放落慕士糊就好快凝固........
結果不但令到蛋糕出現條狀的魚膠液，而且仲凝固不到呢！

如果有看這個題目的留言板，就看到我朋友mabel 的留言有幾慘痛！
因為蛋糕不但甩唔到底，而且當晚我地帶埋佢一齊出去食飯，結果仲溶化到整個袋都係！不知幾可憐！
網上的照片，是初步凝固後的裝飾，所以都好有心機！ (一心以為可以甩到模) 但最終都係失敗了！

至於miffy面對同樣的情況，所以表面好不均勻，凹凹凸凸的！
蛋糕最終都可以甩到模，但因為實在好唔「靚仔」，所以都無晒心機去裝飾！
而蛋糕則要keep住放於冰箱，因為下面的位置唔夠凍會溶化，所以好失望呀！

多謝各位jjmm咁關心我地d蛋糕！同埋要高度讚揚大家的觀察力及細心，哈哈！
人生不如意事十常八九，整蛋糕也一樣！雖則有點激氣，但我定必會再接再厲，捲土重來！