迫不得已的決定
今日,終於要帶希妤去姨婆家,提早適應一下新生活!
雖然有工人姐姐幫手照顧,但是始終唔捨得離開我的寶貝女…
由希妤出世到現在,我幾乎每分每秒也對著她,
所以即使只是跟她短暫分離,那份心情依然很沉重;
加上我極度眼淺的性格,今晚一定會躲在被窩裡大哭一場吧!
最理想的話,當然是放棄工作,一手一腳親自照顧希妤啦!
可是現實的情況是,辭職湊女,失去了收入,本來慳儉一點還可以;
不過未申請到宿舍,現時要應付沉重的租金,經濟上難免會很吃力;
想找家人幫忙,可惜長輩們體力上又應付不了繁重的照顧工作;
想請外傭幫手,可是現時的屋企實在太細,根本無地方俾工人訓;
想請鐘點女傭,但又好難請到有經驗、又願意一早上班的「姨姨」!
因此最後唯有考慮於平日的時間,把她暫時寄居在姨姨屋企,
由工人姐姐幫手照顧,每日待我放工之後,
會由屯門乘巴士去油塘探望希妤,之後才回家休息。
到週末或放假的時間,便會帶希妤回家自行照顧。
雖然這是一個迫不得已的決定,但已經令我很煩惱、很難受…
試問有那一個媽媽,會捨得放低自已的子女留給別人照顧啊?
其實把她留下的同時,內心的煎熬比任何人還要來得辛苦呢!
因此我認真地對自已發誓,要竭力為希妤做到最好,
令她得到的關愛,絕不比任何跟父母同住的小朋友少!
希望上天可以聆聽我的禱告,在合適的時間為我們預備居所,
讓我們一家三口,學會珍惜能在一起的幸福,早日團聚吧!
要對天父和自已有信心,相信快樂的日子一定很快來臨啊!
8 則留言:
你O你屯門返工??咁你住邊頭呀??返到咁遠??
我雖然係住屯門返工都係屯門...但屋企都係冇人幫到我湊...為一一個係奶奶...但佢又住到沙田咁遠...我又唔想每個星期見得一次面...同埋我想餵小B飲人奶...所以我而家都頭痛緊...我諗我到最後解決唔到一定會好似你咁做呢個決定...唉....好苦惱呀!!!
雖然現在你們會辛苦一點,但相信小希妤一定能夠很快回到你們身邊的!
請容許我再作一點提議,若經濟許可的話,其實可不可以現在先請個工人姐姐在你媽媽家裏住照顧他們,到申請到宿舍後再接回她們,到時希妤便不需要再重新適應新工人,對她心理的影響也可減至最少!
我由大埔去屯門返工都覺得辛苦,更何況你要由屯門到油塘又回家,一定吃力。
但為左希妤日後生活得好,唯有現在辛苦一點,有姨姨睇住希妤應該可以放心D。
希望宿舍快D批啦..咁就可以全心全意照顧希妤喇
姨婆住得近唔近?你收工夜唔夜?夜晚自己湊番得唔得?
我住屯門,但九龍灣返工....
努力呀,我已準備做FT mama呀
嘩!又真係幾遠喎!有無考慮過育嬰院?如果搵到間又近你屋企其實都可以考慮。又或者睇下屋企附近有無d褓母可以幫下手。
雖然我未做媽媽,但是都感受到你的痛苦....相信做這個決定是要很大的決心....
辛苦你了,每日要舟居勞頓...你要小心身體呀!!!!!
真的很痛苦啊...
完全明白這是迫不得已的決定... 放心, 希妤會很明白的呀~
最好當然是你們快點抽到宿舍,那麼你就可以當全職媽媽.
不過當初有沒有想過育嬰園?? 好像hayley那樣,她很開心呢..而且可以自己照顧返~當然都會辛苦, 不過我知你絕對不介意這種辛苦吧.
楊a奶,
我住長沙灣啦!屯門返工已經有好多年了…習慣左就不會太遠…其實照顧的問題的確很惱人,想每日見到bb,但又要考慮很多技術性問題,真係好煩…有時我都會怪自已,點解想清楚,唔準備好一點才生…攪到現在好似俾唔到最好的照顧給她啦…
emily,
其實媽媽家或奶奶家也不是很大,不容許我把工人放到這裡,我也已經想過這一點了…
cherry,
為了阿女,我辛苦一點也可以的…放心吧!
lala,
姨婆住油塘,我住長沙灣,因為要返95,晚上帶佢回家之後,第二朝無可能咁早帶到佢返油塘,所以平日不能接她回家住…
我做社工,平日如果無特別,都可以準時收工,所以辛苦d每日往來,也應該無問題既…
很羨慕你可以做全職媽媽,好好珍惜啊!
winnie,
我曾經同家人提過育嬰園,但大家也不太贊成!至於褓母或鐘點,已經試問過,但不合水…
cathie,
唔辛苦…為左個女…我一定頂得住…
pegpeg,
我個人其實buy育嬰園的概念,同埋見你女兒的經驗也不錯,曾向家人作出提議,但大家也不太贊成,結果告吹了…
發佈留言
訂閱 發佈留言 [Atom]
<< 首頁