你很懂事啊！

仲有幾日，希妤便兩個月人仔啦！

媽咪真係要係度讚下佢先！

(老人家話唔可以係佢面前讚架 :p)

自從希妤去左姨婆屋企之後，飲奶同訓覺都叻左好多！

現在的她，不但可以一口氣飲5安奶；

而且絕對不會好像之前咁周身郁，

淡淡定食晒之餘，仲一滴都無浪費！

至於訓覺方面，由於希妤已成功「戒夜奶」，

故此吃過晚上最後一餐之後，多數也能夠一覺訓至大天光，

有時候甚至可以睡至早上八時多，也遲遲不願起床吃早餐呢！

加上開始識得笑同講野(咦咦呀呀)，真係又肥又可愛啊！


現在看到她「吃得飽、睡得甜、長得好」，真的既放心又安慰；

所以除了讚賞希妤懂事之外，還要感激工人姐姐及姨姨的教導，

讓我可以安心把希妤交給她們照顧，慢慢投入自已的生活及工作。

這幾天放工以後，雖然辛苦地往來屯門跟油塘兩個相距甚遠的地方，

不過只要見到希妤天真快樂的笑臉，就已經很滿足同興奮了~

看來我也要生性兼長進，俾心機努力學做一個好媽媽啊！